Rashtrapati Bhavan Leopard Viral Video: राष्ट्रपती भवनात दिसलेल्या त्या प्राण्याचं रहस्य आलं समोर; दिल्ली पोलिसांनी उकललं गुढ

पंतप्रधान नरेंद्र मोदी यांनी तिसऱ्यादा राष्ट्रपती भवनात रविवारी दिनांक १० रोजी सांयकाळी शपथ विधी पार पडला. या शपथविधी सोहळ्यात नरेंद्र मोदी यांच्यासहित एकूण ७२ मंत्र्यांनी शपथ घेतली मात्र याच शपधविधी सोहळ्याचा एक व्हिडिओ सोशल मीडियावर खूर व्हायरल होत आहे.

भाजप खासदार दुर्गा उईके यांच्या शपथविधीवेळी राष्ट्रपती भवनाच्या कॉरिडॉरमध्ये एक प्राणी फिरताना दिसला. हा व्हिडिओ(Video) समोर आल्यानंतर नेटकऱ्यांनी विविध अंदाज व्यक्त करण्यास सुरुवात केली. परंतू आता राष्ट्रपती भवनाच्या कॉरिडॉरमध्ये फिरणाऱ्या प्राण्यांबाबत दिल्ली पोलिसांचे एक वक्तव्य समोर आले आहे.

पीटीआयच्या वृत्तानुसार, दिल्ली पोलिसांच्या एका अधिकाऱ्यांनी सांगितले की, सोशल मीडियावर व्हिडिओ समोर आल्यानंतर आम्ही राष्ट्रपती भवनाच्या सुरक्षा विभागाकडून हा व्हिडिओत दिसणारा प्राणी बिबट्या आहे का याचा पूर्ण तपास केला. मात्र आत तो बिबट्या नसल्याचे सांगितले जात आहे. व्हायरल होत असलेल्या व्हिडिओत दिसणारा प्राणी हे फक्त कुत्रा आणि मांजर आहे . कृपया अशा अफवांवर लक्ष देऊ नका.

रहस्यमय प्राणी कधी दिसला ?

शपथविधी समारंभ कव्हर करणाऱ्या कॅमेऱ्यात पाळीव मांजर (Cat)कैद झाले होती. जेव्हा उईके शपध घेतल्यानंत रजिस्टरवर स्वाक्षरी करत राष्ट्रपतींना अभिवादन करण्यासाठी आले होते. व्हिडिओमध्ये दिसत आहे की यावेळी एक प्राणी मागे असलेल्या राष्ट्रपतींच्या कॉरिडॉरमध्ये वावरत आहे. हा व्हिडिओ सोशल मीडियावर व्हायरल झाल्यानंतर वनविभागाच्या अधिकाऱ्याने सांगितले आहे की, राष्ट्रपती भवनात बिबट्या दिसल्याची कोणतीही माहिती नाही.

अनेक देशांचे प्रमुख व्यक्तींची हजेरी

रविवारी मोदी सरकारचा तिसऱ्यांदा शपथविधी सोहळा पार पडला. यावेळी ७ देशांच्या राष्ट्राध्यक्षांसह देशातील अनेक मान्यवर उपस्थिती होते. रविवारी हा कार्यक्रम सायंकाळी ७.१५ वाजता सुरु झाला होता आणि साधारण रात्री साडेनऊ वाजेपर्यंत सुरु होता. यावेळी नरेंद्र मोदींशिवाय ७१ खासदारांनी शपथ घेतली.