सचिन बनसोडे, अहमदनगर
बातमी आहे एका मांजरीला वाचवताना घडलेल्या मृत्यूच्या तांडवाची. अहमदगरच्या नेवासात दोन दिवसांपूर्वी मांजरीला वाचवताना 5 जणांचा मृत्यू झालाय. मात्र ती मांजर अद्याप जिवंत असल्याचं समोर आलंय. अहमदनगरच्या नेवासा तालुक्यातील वाकडी इथं असलेली हीच ती विहिर. तीन दिवसांपूर्वी यात विहिरीत बुडून पाच जणांचा मृत्यू झाला. त्यांच्या मृत्यूला कारण ठरली ती एक मांजर.
बायोगॅसच्या या विहिरीत मांजर पडली म्हणून तिथच काम करत असलेल्या बबलू काळे नावाचा तरूण विहिरीत उतरला. मात्र ही विहिर शेणानं भरलेली असल्यानं त्याला ते त्यात बुडाला त्याला वाचवण्यासाठी वडील अनिल काळे, काका माणिक काळे, चुलत भाऊ संदीप काळे तसच तिथच काम करणारे शेतमजूर बाबासाहेब गायकवाडही विहिरीत उतरले मात्र यातील कुणाचाच जीव वाचू शकला नाही. या दुदैवी घटनेनं वाकडी गावावर शोककळा पसरलीय.
विशेष म्हणजे ज्या मांजरीला वाचवण्यासाठी जिवाची बाजी लावली ती मांजर या विहिरीत अद्यापही जिवंत आहे. विहिरीच्या एका कपारीत बसलेली मांजर सुटकेच्या प्रतिक्षेत आहे. मात्र इथं घडलेलं मृत्यूचं तांडव पाहिल्यानंतर कुणीही या सापळ्यात उतरायला तयार नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.