Viral Video : आप्पाचा विषय लय हार्ड; भंगारवाल्याकडे लाखांचा आयफोन, लेकालाही दिला बक्षीस म्हणून आयफोन 16

संदिप चव्हाण, साम टीव्ही

मुंबई : एक असा भंगारवाला आहे त्याच्याकडे आयफोन आहे. इतकंच नव्हे तर त्याने मुलालाही बक्षीस म्हणून 1 लाख 80 हजारांचा आयफोन 16 दिलाय. या भंगारवाल्याचा व्हिडिओ सोशल मीडियावर व्हायरल होत आहे. या भंगारवाल्याने आयफोन कसा घेतला आणि मुलाला बक्षीस दिल्याचे स्वत: सांगितलं.

या भंगारवाल्याचा विषय मात्र, हार्ड 'हाय' आहे. कारण, या भंगारवाल्याकडे आयफोन आहे. इतकंच नव्हे तर लेकालाही याने आयफोन दिला आहे. 'लेकाला दहावीला चांगले मार्क्स मिळाले. त्याने दहावीत 89 टक्के मार्क मिळवून पास झाला. त्यामुळे त्याला आयफोन दिला, असे भंगारवाल्याने सांगितले आहे. लेक दहावी परीक्षा पास झाल्याने त्याला गिफ्ट म्हणून तब्बल 1 लाख 80 हजारांचा मोबाईल गिफ्ट दिला आहे.

माणूस दिसायला कसाही असो. त्याच्या दिसण्यावर जाऊ नका. कारण, आयफोन घेण्यामागे या भंगारवाल्याची मेहनत आहे. याच मेहनतीतून त्याने आयफोन घेतलेयत. तेही लाखो रुपयांचे आहेत.