Nagpur: नागपूरच्या एम्समधील जेवणात आढळले किडे, किळसवाणा VIDEO समोर

नागपुरामधील प्रतिष्ठित एम्स रुग्णालयातून एक धक्कादायक प्रकार समोर आला आहे. अखिल भारतीय आयुर्विज्ञान संस्था म्हणजे एम्समधील मेसच्या जेवणात किडे आणि सुरवंट आढळल्याने खळबळ उडाली. जेवणात किडे आढळून आल्यामुळे विद्यार्थी संतप्त झाले आहेत. विद्यार्थ्यांनी याचा व्हिडीओ तयार केला असून तो व्हायरल होत आहे. बुधवारी पदवीधर विद्यार्थ्यांच्या जेवणामध्ये किडे आणि सुरवंट आढळून आले. फळांच्या तुकड्यावर एक मृत किडा आढळला आणि भाजीमध्ये माशीसारखा पदार्थ आढळला. शिवाय मशरूम करीमध्ये एक स्पंजयुक्त पदार्थ आढळला. या किळसवाण्या घटनेनंतर विद्यार्थ्यांनी नाराजी व्यक्त केली आहे. दरम्यान एम्समध्ये मेसचा करार अलीकडेच बदलण्यात आलेला आहे. त्यामुळे व्यावसायिक दृष्टिकोनातून या घटना घडत आहेत का? असा प्रश्नही उपस्थित केला जात आहे.