Maharashtra Politics : महायुतीचा मुख्यमंत्रिपदाचा संभाव्य उमेदवार कोण? विनोद तावडे काय म्हणाले? VIDEO

महाराष्ट्रात विधानसभा निवडणूक जाहीर होण्याच्या आधीपासूनच महाविकास आघाडी आणि महायुतीच्या मुख्यमंत्रिपदाचा चेहरा कोण असेल, हा मुद्दा प्रचंड चर्चेत आला होता. आता ऐन निवडणुकी महायुतीच्या मुख्यमंत्रिपदाच्या चेहऱ्याबाबतच्या चर्चा सुरू झाल्या आहेत. भाजपचे ज्येष्ठ नेते विनोद तावडे यांनीही या चर्चेवर भाष्य केलं आहे.

राज्यात महायुतीचं सरकार आलं तर, मुख्यमंत्रिपदासाठी नवी नावं समोर येऊ शकतात, असं विनोद तावडे म्हणाले. राजस्थान, मध्य प्रदेशात केलेला प्रयोग महाराष्ट्रातही होऊ शकतो, असंही ते म्हणाले. निकालानंतर राजकीय आणि सामाजिक परिस्थिती लक्षात घेऊन मुख्यमंत्री कोण होणार हे ठरवले जाईल, असेही तावडे यांनी स्पष्ट केले.

विधानसभा निवडणूक निकालानंतर एकनाथ शिंदे, देवेंद्र फडणवीस, अजित पवार आणि भाजपचं केंद्रीय नेतृत्व यासंदर्भात निर्णय घेणार आहे, असेही तावडे म्हणाले.