Sunetra pawar : सुनेत्रा पवारांना उपमुख्यमंत्रिपदासोबत कोणती खाती मिळणार? महत्त्वाची माहिती आली समोर

Maharashtra cabinet portfolio allocation : राज्याच्या राजकारणातून एक मोठी बातमी समोर येतेय. दिवंगत नेते अजित पवार यांच्या निधनानंतर त्यांच्या रिक्त झालेल्या मंत्रिमंडळातील खात्यांच्या वाटपाबाबत हालचालींना वेग आला आहे. सूत्रांच्या माहितीनुसार, राज्य उत्पादन शुल्क आणि क्रीडा खात्याची जबाबदारी सुनेत्रा पवार यांच्यावर सोपवली जाण्याची शक्यता आहे. मात्र, अत्यंत महत्त्वाच्या 'वित्त आणि नियोजन' खात्याबाबत अद्याप सस्पेन्स कायम आहे. पण राष्ट्रवादी काँग्रेस ही तिन्ही खाती स्वतःकडेच राखण्यासाठी आग्रही आहे, अशी माहिती सूत्रांनी दिलीय.

दरम्यान, आज दुपारी २ वाजता राष्ट्रवादी काँग्रेसच्या विधिमंडळ पक्षाची बैठक होणार आहे. या बैठकीबाबत सुनील तटकरे यांनी विधिमंडळात पक्षाचं अधिकृत पत्रही दिलं आहे. या बैठकीमध्ये सुनेत्रा पवार यांची गटनेता म्हणून निवड होण्याची शक्यता आहे. तसेच सुनेत्रा पवार या आज सायंकाळी पाच वाजता उपमुख्यमंत्रिपदाची शपथ घेऊ शकतात, असे समोर आलेय. त्या राज्याच्या पहिल्या महिला उपमुख्यमंत्री असतील.