Atal Setu Cracks : अटल सेतूला मोठ्या भेगा, एका फुटाचा गॅप; VIDEO बघा!

मुंबई ट्रान्सहार्बर लिंक अर्थात नव्यानेच तयार केलेल्या अटल सेतूला उलवेजवळ मोठमोठ्या भेगा पडल्या आहेत. साधारण एका फुटाचा गॅप दिसत आहे. काँग्रेसचे प्रदेशाध्यक्ष नाना पटोले यांनी या मार्गाची पाहणी केली. यामुळं अटल सेतूच्या कामाच्या दर्जाबाबत प्रश्नचिन्ह उपस्थित केला जात आहे.

अटल सेतूच्या कामाच्या दर्जावरून नाना पटोले यांनी सरकारवर हल्लाबोल केला आहे. आम्ही फक्त आरोप करत नाहीत. सेतूवर मोठ्या भेगा पडल्या आहेत. भ्रष्टाचार हा त्यामागचा उद्देश असून, लोकांच्या जिवाशी खेळण्याचा अधिकार यांना कुणी दिला, असा परखड सवाल त्यांनी केला. समृद्धी महामार्गाच्या कामावरही पटोलेंनी प्रश्नचिन्ह उपस्थित केले. समृद्धी महामार्ग हा लोकांना मारण्यासाठीच केला आहे. कारण हे सरकार जनतेच्या विरोधात आहे, अशी टीकाही त्यांनी केली.