Vinod Tawde Money Distribution : विनोद तावडेंना घेराव, कार्यकर्ते भिडले, हाणामारी अन् जोरदार राडा

vinod tawde money distribution : ऐन निवडणूक काळातील आतापर्यंतची सर्वात मोठी बातमी समोर आली आहे. भाजपचे सरचिटणीस विनोद तावडे यांच्यावर बविआने गंभीर आरोप केलाय. विनोद तावडे यांनी पैसे वाटल्याचा आरोप बविआने केलाय. मागील तीन तासांपासून बविआचे कार्यकर्त्ये हॉटेलमध्ये आणि बाहेरही तळ ठोकून उभे आहेत. तावडेंना बविआच्या कार्यकर्त्यांनी घेरले. यावेळी भाजप कार्यकर्ते आणि बविआच्या कार्यकर्त्यांमध्ये हाणामारी आणि राडा झाला.

काही कार्यकर्त्यांनी विनोद तावडे पैसे वाटत असल्याचा आरोप केला. बविआच्या एका कार्यकर्त्यांने तर पाकिटं आणि पैसे दाखवल्याचं व्हिडीओत दिसत आहे. मतदानाला फक्त २४ तासांचा कालावधी शिल्लक राहिला असतानाच विनोद तावडे यांच्यावर गंभीर आरोप झालाय.

विनोद तावडेंनी आपल्यावरील आरोप फेटाळून लावलेत. तावडे १५ कोटी घेऊन आले होते, मला २५ वेळा फोन केला,माफी मागितली, असे हितेंद्र ठाकूर यांनी प्रसारमाध्यमांशी बोलताना सांगितलं.