Vinesh Phogat Disqualified: कुस्तीपटू विनेश फोगाट अपात्र घोषित

Vinesh Phogat Disqualified: भारतीय कुस्तीपटू विनेश फोगट हिला महिलांच्या 50 किलो वजनाच्या कुस्तीसाठी अपात्र ठरवण्यात आले आहे. महिला कुस्ती 50 किलो वर्गातून विनेश फोगटला अपात्र ठरवल्याची बातमी भारतीय ऑलिम्पिक संघाकडून शेअर करण्यात आली आणि सगळीकडे एकच खळबळ उडाली. "रात्रभर संघाने सर्वोत्तम प्रयत्न करूनही, आज सकाळी विनेश फोगटचे वजन 50 किलोपेक्षा काही ग्रॅमने जास्त झाले. भारतीय ऑलिम्पिक संघ तुम्हाला विनेशच्या गोपनीयतेचा आदर करण्याची विनंती करतो आणि हातात असणाऱ्या पुढील स्पर्धांवर लक्ष केंद्रित करू इच्छितो: भारतीय ऑलिम्पिक संघ" अशी पोस्ट भारतीय ऑलिम्पिक संघाकडून करण्यात आलीये.