Video : नीरज चोप्राची फायनलमध्ये धडक; ८९.३४ मीटर फेकला भाला

नीरज चोप्राने टोकियो ऑलिम्पिकमध्ये सुवर्णपदक जिंकून इतिहास रचला होता. या खेळात अशी कामगिरी करणारा तो पहिला भारतीय ठरला. दुखापतीमुळे पॅरिस ऑलिम्पिकमधील त्याच्या कामगिरीबद्दल चिंता व्यक्त केली जात होती. मात्र नीरजने पहिल्याच प्रयत्नात ८९.३४ मीटर भालाफेक करून अंतिम फेरी गाठली आहे. या फेरीत तो अव्वल स्थानी राहिला. मात्र, सुवर्णपदक जिंकणे त्याच्यासाठी इतके सोपे जाणार नाही कारण त्याला सातत्याने स्पर्धा देणारे 4 खेळाडू आहेत आणि यावेळीही कडवी झुंज द्यावी लागणार आहे. किशोर जेनाला पात्रता फेरीत ठराविक अंतराइतका थ्रो करता आला नाही. त्यामुळे तो फायनलसाठी पात्र ठरु शकलेला नाही. तर पात्रता फेरीत ग्रुप बी मधून नीरज चोप्राने पहिल्याच प्रयत्नात ८९.३४ मीटर लांब भाला फेकला. यासह त्याने पहिल्याच प्रयत्नात फायनलमध्ये प्रवेश केला आहे.