VIDEO : काँग्रेसच्या महिला कार्यकर्त्या भाजपविरोधात आक्रमक; बॅरिकेड्स लावून अडवण्याचा पोलिसांचा प्रयत्न

पराग ढोबळे, नागपूर

केंद्रातील मोदी सरकारच्या मागील १० वर्षांच्या कार्यकाळाविरोधात काँग्रेसनं आज, शुक्रवारी नागपुरात आंदोलन केलं. व्हेरायटी स्क्वेअर येथे हे आंदोलन केलं. विकास ठाकरेंच्या नेतृत्वाखाली हे आंदोलन करण्यात आलं. काँग्रेसच्या विविध सेलचे पदाधिकारी, आजी-माजी आमदार यावेळी उपस्थित होते. यावेळी महिला कार्यकर्त्या आणि पदाधिकारी रस्त्यावर ठाण मांडून बसल्या होत्या. त्यांनी भाजप सरकारविरोधात जोरदार घोषणाबाजी केली. नीट परीक्षेच्या घोळाला हे सरकार जबाबदार असल्याचा आरोपही आंदोलनकर्त्यांनी केला. पोलिसांनी आंदोलनकर्त्यांना बॅरिकेड्स लावून रोखण्याचा प्रयत्न केला. त्याचवेळी कार्यकर्ते प्रचंड आक्रमक झाले.