Varsha Gaikwad Uddhav Thackeray: उमेदवारी जाहीर झाल्यानंतर वर्षा गायकवाड उद्धव ठाकरे यांच्या भेटीसाठी मातोश्रीवर दाखल!

मुंबई : वर्षा गायकवाड मातोश्रीवर (Vardha Gaikwad meet Uddhav Thackeray) दाखल झाल्याची माहिती समोर आली आहे. काँग्रेसकडून उमेदवारी जाहीर झाल्यानंतर त्यांनी उद्धव ठाकरे यांची घेतलेली ही पहिलीच भेट आहे. वर्षा गायकवाड यांना लोकसभेची उमेदवारी जाहीर करण्यात आली आहे. उत्तर मध्य मुंबई लोकसभा मतदार संघातून वर्षा गायकवाड यांना उमेदवारी काँग्रेसने दिली आहे. दरम्यान, विनोद घोसाळकर हेही मातोश्रीवर यावेळी उपस्थित असल्याची माहिती मिळतेय. उद्धव ठाकरे यांच्या उपस्थितीत आता वर्षा गायकवाड यांची नेमकी काय चर्चा होते, हे पाहणं महत्त्वाचंय. महाविकास आघाडीने मुंबईच्या सहापैकी चार जागा ठाकरे गटाला तर दोन जागा या काँग्रेसला जागावाटपासून जाहीर करण्यात आल्या होत्या.