Vaishanavi Hagwane: वैष्णवी हगवणे प्रकरणी रुपाली चाकणकरांना महिलांनी घातला घेराव|VIDEO

वैष्णवी हगवणे हत्या प्रकरणानंतर राज्य भरात संतापाची लाट आहे. या प्रकरणाची राज्य महिला आयोगाने उशिराने दखल घेतल्यानंतर रूपाली चाकणकरांच्या भूमिकेवर प्रश्नचिन्ह उपस्थित होत होते. ठाकरे गटाच्या नेत्या सुषमा अंधारे यांनी देखील त्यांच्यावर टीकास्त्र सोडले होते.

या पार्श्वभूमीवर छावा संघटनेचे अध्यक्ष धनंजय जाधव आणि महिला कार्यकर्त्यांनी राज्य महिला आयोगाच्या अध्यक्ष रूपाली चाकणकर यांना थेट जाब विचारत घेराव घातला. छावा संघटनेच्या कार्यकर्त्यांनी म्हटले की, जर लवकर अॅक्शन घेतली असते तर आज अशी दुर्दैवी घटना घडली नसती. यावेळी छावा संघटनेच्या कार्यकर्त्यांमध्ये आणि रूपाली चाकणकरांमध्ये चांगलीच बाचाबाची झाल्याचे दिसून आले.