Sharad Pawar Uttam Jankar Meet: उत्तम जानकारांना शरद पवारांकडून आमदारकीचं आश्वासन?

उत्तम जानकर यांनी शरद पवार यांची भेट घेतली. या भेटीदरम्यान धैर्यशील मोहिते हे देखील उपस्थित होते. या भेटीमध्ये दोघांमध्ये महत्त्वपूर्ण चर्चा झाल्याची माहिती समोर आली. या बैठकीनं महायुतीचं टेन्शन वाढवले असल्याचं बोलले जात आहे. धैर्यशील मोहिते पाटील यांना माढ्यातून लोकसभेची उमेदवारी जाहीर करण्यात आली आहे. दरम्यान उत्तम जानकर हे भाजपमध्ये नाराज असल्याच्या चर्चांना उधाण आलं होतं. त्यानंतर आता उत्तम जानकर यांनी शरद पवार यांची भेट घेतल्यामुळे तर्क वितरकांना उधाण आलंय. उत्तम जानकर यांना आमदारकी आश्वासन देण्यात आलं असल्याची शक्यता वर्तवली जातेय. त्या अनुषंगाने शरद पवारांशी झालेल्या बैठकीत महत्त्वपूर्ण चर्चा झाल्याचं सांगितलं जातंय.