Tulja Bhavani Temple News : धाराशिवमध्ये अवकाळी पाऊस, तुळजाभवानी मंदिरात पाणीच पाणी

धाराशिव : धाराशिवमध्ये अवकाळी पाऊस पडला आहे. त्यामुळे जिल्ह्यात नागरिकांची तारांबळ उडाली आहे. तुळजाभवानी मंदिर परिसरातही अवकाळी पावसाने हजेरी लावली आहे. या पावसामुळे भाविकांची धावपळ झाली आहे. तुळजापूर शहरात अवकाळी पावसामुळे देवीच्या दर्शनावर परिणाम झाला आहे. या अवकाळी पावसामुळे शहरातले नाले तुंबले आहेत. त्यामुळे सामान्य नागरिकांचे हाल झाले आहेत. फक्त धाराशिवच नाही तर, राज्याच्या अनेक भागात अवकाळी पावसाने हजेरी लावली आहे. पुणे, हिंगोली, कोल्हापूर, सातारा तसेच कोकणातही अवकाळी पावसाने हजेरी लावली आहे. काही ठिकाणी वादळी वाऱ्यासह पाऊस पडला आहे तर काही ठिकाणी गारपीट झाली आहे. या अवकाळी पावसामुळे शेतपिकांचे मोठ्या प्रमाणात नुकसान झाले आहे.