Tuljabhavani Temple : तुळजाभवानी देवीचं मुख्य गाभाऱ्यातील दर्शन १० दिवस बंद राहणार! | VIDEO

तुळजाभवानी मंदिरातील मुख्य गाभाऱ्यातील दर्शन १ ऑगस्ट ते १० ऑगस्ट दरम्यान बंद राहणार आहे. मंदिर संस्थानच्या माहितीनुसार, देवीच्या सिंहासन गाभाऱ्यातील जीर्णोद्धार आणि देखभाल- दुरुस्तीच्या कामासाठी हा निर्णय घेण्यात आला आहे. या कालावधीत भाविकांना गाभाऱ्यात प्रवेश देता येणार नाही. मात्र, एक ते दहा ऑगस्ट दरम्यान भाविकांना फक्त मुखदर्शन घेता येणार आहे. देवीच्या मूर्तीचे मुखदर्शन मंदिर परिसरातूनच करण्यात येईल. दरम्यान, देवीच्या सर्व धार्मिक विधी व पूजाअर्चा पूर्ववत सुरू राहणार आहेत.येणाऱ्या श्रावण महिन्याच्या पार्श्वभूमीवर होणाऱ्या भाविकांच्या गर्दीचा विचार करून हा निर्णय नियोजनबद्ध पद्धतीने घेण्यात आला आहे.