Video : धनगर आरक्षणाचा तिढा सुटेना !

धनगर समाजाला ST प्रवर्गातून आरक्षण देण्याला आता आदिवासी आमदारांचाच विरोध आहे. सोमवारी बैठकीत निर्णय घेतला नाही, तर सर्व 25 आदिवासी आमदार सामूहिक राजीनामे देणार असल्याची माहिती आहे. यासंदर्भात सोमवारी सगळे आदिवासी आमदार मुख्यमंत्री आणि दोन्ही उपमुख्यमंत्र्यांची भेट घेणार आहेत.

धनगर आरक्षणाच्या मुद्द्यावरून आदिवासी आमदार आक्रमक झालेले दिसत आहेत. आदिवासी आमदार हिरावण खोसकर यांनी ही माहिती दिली आहे. तसेच 'सोमवारच्या बैठकीत निर्णय नाही झाला तर, मी तर लगेच राजीनामा देईल' असं देखील खोसकर यांनी म्हंटल आहे. धनगर समाजाला वेगळं आरक्षण द्या, आदिवासींमधून आरक्षण देऊ नका अशी मागणी या आमदारांच म्हणण आहे. यासाठी सर्वपक्षीय आदिवासी आमदार एकवटले आहेत. सोमवारच्या बैठकीनंतर हे सर्व आमदार मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांची भेट घेऊन चर्चा करणार आहेत.