VIDEO: थरार! समोर एक्स्प्रेस येत होती, तितक्यात ट्रॅकवरच अडकली ४० विद्यार्थी असलेली स्कूल बस, पुढे काय घडलं बघा!

नागपुरात काळजाचा ठोका चुकवणारी बातमी समोर आलीये.. 40 विद्यार्थ्यांना घेऊन जाणारी बस रेल्वे रुळ क्रॉस करताना, रेल्वे रुळाच्या मधोमध अडकली! कोणत्याही क्षणाला रेल्वे येऊन त्यांच्या जिवाचं बरंवाईट होईल अशी परिस्थिती उद्भवली होती.. अंगावर शहारे आणणाऱ्या या घटनेत सुदैवाने कोणतीही जिवीत हानी झाली नाही.. रेल्वे कोणत्याही क्षणी बसला धडक देऊ शकते, ही बाब नागरीकांच्या लक्षात येताच नागरीकांनी रेल्वे रुळाच्या दिशेने धाव घेतली.. अशातच ज्या रुळावर बस अडकली होती. त्याच रुळावर भरभाव वेगात रेल्वे येत होती.. रेल्वेचा वेग बसमध्ये बसलेल्या चिमुरड्यांच्या कानठळ्या बसवणारा होता.. नागरीकांनी परिस्थितीचं भान ठेवत योग्य वेळी रेल्वेला लाल रंगाचा कपडा दाखवला.. शेकडो लोकांची गर्दी, रुळाच्या मधोमध अडकलेली बस पाहून रेल्वे चालकाला संशय आला.. समयसुचकता दाखवत रेल्वे चालकानेही योग्य वेळी रेल्वे थांबवली... आणि 40 विद्यार्थी सुखरुप वाचले!