VIDEO : मुलांच्या शिक्षणासाठी आईचं मोठं पाऊल, पैसे नसल्याने केली चोरी

कल्याणच्या विठ्ठलवाडीत एका आईने आपल्या चार मुलांच्या शिक्षणासाठी चक्क चोरीचा मार्ग पत्करला आहे, पतीने सोडून दिल्यानंतर 'राणी भोसले' या महिलेवर आपल्या चार मुलांची जबाबदारी आली, मुलांच्या शिक्षणासाठी पैसे नसल्याने तिने चोरीचा मार्ग पत्करला.

बारावी इयत्तेत शिकणाऱ्या मुलाने आपल्या आईकडे.. म्हणजेच राणी भोसले हिच्याकडे कॉलेजची फी भरण्यासाठी पैसे मागितले, मात्र पैशांची अडचण असल्याने काय करावे असा प्रश्न तिच्यासमोर उभा झाल्याने तिने चोरी करण्याचे ठरवले. धावत्या लोकलमध्ये राणीने एका महिलेची चेन हिसकावली. चेन चोरी झाल्यानंतर महिलेने कल्याण रेल्वे पोलिस ठाण्यात तक्रार केली. दरम्यान या घटनेचा CCTV समोर आला आणि पोलिस तपासात तीने चोरी केल्याचे उघड झाले, त्यानंतर राणी भोसले हिने चोरलेल्या सर्व दागिन्यांसह पोलिसांनी तिला देखील ताब्यात घेतले.