ठाण्यातील मानपाडा परिसरात शिवसेना उद्धव बाळासाहेब ठाकरे पक्षाचे उपविभाग प्रमुख प्रदीप पुर्णेकर यांची हत्या करण्यात आली. पुर्णेकरांच्या हत्येनंतर शिवसेना शिंदे गटाच्या ठाण्याच्या माजी महापौर मीनाक्षी शिंदे आणि त्यांचे पती राजेंद्र शिंदे यांनी ही हत्या करण्यासाठी सांगितले असल्याचा आरोप पुर्णेकर यांच्या कुटुंबीयांनी केला आहे. आज पहाटेपर्यंत प्रदीप पुर्णेकर यांचा मृतदेह मुंबईतील जे. जे रुग्णालयात शवविच्छेदनासाठी नेण्यात आला. पुर्णेकरांच्या मारेकऱ्यांना अटक करा अशी मागणी ठाकरेसेनेच्या कार्यकर्त्यांकडून केली जात आहे. पुर्णेकर यांच्या समर्थकांनी घोडबंद रोडवरील मानपाडा या ठिकाणी काही वेळ रस्तारोको देखील केला. त्यामुळे पोलिस आणि समर्थक यांच्यामध्ये काही काळ वाद झाला. टायर पेटवून रस्तारोकोचा प्रयत्न सुरू असताना पोलिसांनी त्यांना बाजूला केलं. रास्तारोको जरी मागे घेतला असला तरी मीनाक्षी शिंदे आणि राजेंद्र शिंदे यांना देखील अटक करावी अशी मागणी यावेळी करण्यात आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.