Maharashtra Politics : शरद पवारांच्या डोक्यात काय चाललंय? संजय राऊत यांनी फडणवीसांना घेरलं, पाहा VIDEO

मुंबई : खासदार संजय राऊत यांनी पुन्हा एकदा उपमुख्यमंत्री देवेंद्र फडणवीस यांच्यावर निशाणा साधला आहे. शरद पवार यांच्या डोक्यात काय चाललंय, हे देवेंद्र फडणवीस यांना पुढील १०० जन्म कळणार नाही, असा टोला राऊतांनी लगावला आहे. २०१९ साली शरद पवारांच्या डोक्यात काय होतं, हे देखील फडणवीसांना कळलं नव्हतं. उद्धव ठाकरे मुख्यमंत्री झाले होते, असं देखील संजय राऊत म्हणाले आहेत.

शरद पवारांचा मेंदू पवारांच्या डोक्यात आहे. पवारांच्या डोक्यात काय चाललंय, हे जर फडणवीसांना आधी कळलं असतं तर त्यांची आजची अवस्था झाली नसती, अशी टीका संजय राऊत यांनी केलीय. २०२४ ला हिम्मत असेल तर वेळेत निवडणुका घ्या. मग कोणाच्या डोक्यात काय आहे? डोक्यातून काय बाहेर येतंय, हे समजेल. तेव्हा फडणवीस यांचा मेंदू काम करायचं बंद होईल, असा हल्लाबोल संजय राऊत यांनी केलाय.