Pune VIDEO: पुण्यातील 'त्या' नामांकित हॉटेलला अतिरेकी कारवायांचा धोका

पुण्यातील एका नामांकित हॉटेलला दहशतवाद्यांपासून धोका असल्याची शक्यता आहे. सतत गर्दीने गजबजणाऱ्या हॉटेलला पत्र लिहून धोका कळवण्यात आला आहे. हॉटेल मधील डिस्को थेक् रद्द करण्याबाबत कारणे दाखवा नोटीस देत सुरक्षेचा मुद्दा पोलीसांनी उपस्थित केला आहे. सतत गर्दी होत असल्यामुळे हॉटेलला पुणे पोलिसांनी अनेक नोटीसा बजावल्या आहेत. मिळालेल्या माहितीनुसार, पुण्यातील कल्याणी नगर भागात असलेल्या एका नामांकित हॉटेलला अतिरेकी कारवायांबाबत अलर्ट करण्यात आलं आहे. एखादी अतिरेकी संघटना गर्दीचे ठिकाण लक्ष्य करुन बॉम्बस्फोटासारखी दुर्घटना घडवु शकतात, त्यातून मोठ्या प्रमाणात जिवीतहानी देखील होऊ शकते त्यामुळे पोलीसांकडून स्पष्ट इशारा देण्यात आला आहे.