VIDEO: वानखेडे स्टेडिअमवर क्रिकेटप्रेमीची गर्दी, चेंगराचेंगरीसदृश्य परिस्थिती

वर्ल्ड कप जिंकून आपलेल्या टीम इंडियाला पाहण्यासाठी मुंबईतील वानखेडे स्टेडियमबाहेर क्रिकेटप्रेमींनी तोबा गर्दी केली आहे. यावेळी वानखेडे स्टेडियमच्या गेटवर चेंगराचेंगरीची घटना घडली. स्टेडियमच्या आतमध्ये प्रवेश करण्यासाठी क्रिकेटप्रेमींनी मोठ्यासंख्येने गर्दी केली. पण यावेळी स्टेडियमच्या आतमध्ये जाताना काही तरुण-तरुणी एकमेकांच्या अंगावर पडले. सुदैवाने यामध्ये कोणालाही गंभीर दुखापत झाली नाही. काही जणांना किरकोळ जखम झाली.

दरम्यान, टी- २० वर्ल्ड कपच्या अंतिम सामन्यामध्ये टीम इंडियाने दक्षिण आफ्रिकेचा दारुण परभाव केला. वर्ल्ड कप जिंकल्यानंतर टीम इंडिया आज मायदेशी परतली. मायदेशी परतल्यानंतर टीम इंडियाचे जोरदार स्वागत करण्यात आले. टीम इंडियाची मुंबईमध्ये विजयी रॅली काढण्यात येणार आहे. मुंबईतील नरिमन पॉइंट ते मरिन ड्राईव्हपर्यंत टीम इंडियाची ओपन बसमधून विजयी रॅली निघणार आहे.