Maharashtra Politics : तासगावात प्रत्येक घरात ३ हजार रुपयांचं वाटप? संजयकाका पाटलांचा रोहित पाटलांवर गंभीर आरोप,VIDEO

सांगली : तासगावमधील महायुतीचे उमेदवार संजयकाका पाटील यांनी रोहित पाटील यांच्यावर गंभीर आरोप केला आहे. तासगावमध्ये दिवाळीच्या पार्श्वभूमीवर निवडणुकीचे पैसे वाटण्याचा प्रकार केल्याचा आरोप करण्यात आला आहे. तासगावमध्ये रोहित पाटील यांच्यासाठी पैसे वाटणारा कार्यकर्ता ताब्यात घेण्यात आला आहे.

प्रत्येक घरात दिवाळीचा फराळ आणि 3 हजारांचे पाकीट देण्याचा प्रकार सुरू असल्याचा आरोप संजयकाका यांनी केला आहे. पैसे वाटप करणाऱ्या रोहित पाटील समर्थक कार्यकर्त्याला पोलिसांच्या ताब्यात देण्यात आलं आहे.

ताब्यात घेतलेल्या कार्यकर्त्याने राष्ट्रवादी शरद पवार गटाचे उमेदवार रोहित पाटील यांच्यासाठी पैसे वाटप करण्यात येत असल्याचे कबुल केलं आहे. दरम्यान, रोहित पाटील यांना फोन केला असता माझी जाणीवपूर्वक बदनामी करण्यासाठी हे सर्व केले जात असल्याचे सांगितले आहे.