Maharashtra Politics: काँग्रेसच भाजपची बी टीम! प्रकाश आंबेडकरांचे सुपुत्र सुजात आंबेडकरांचा गंभीर आरोप

Sujat Ambedkar on Congress: वाशिम : सुजात आंबेडकर यांनी काँग्रेसवर खळबळजनक आरोप केला आहे. काँग्रेसच भाजपची बी टीम असल्याचा आरोप सुजात आंबेडकर यांनी हे वक्तव्य केलंय. प्रकाश आंबेडकर यांना काँग्रेसने त्रास दिला, असंही ते म्हणाले. ते वाशिममध्ये एका सभेत बोलत होते. प्रकाश आंबेडकर यांचे सुपुत्र सुजात आंबेडकर यांच्या वक्तव्यानं राजकीय वर्तुळात चर्चांना उधाण आलं आहे. काँग्रेसवर त्यांनी यावेळी सडकून टीका केल्याचं पाहायला मिळालंय. महाविकास आघाडीमध्ये वंचितही येण्याची शक्यता होती. मात्र अखेर जागावाटपावरुन झालेल्या तिढ्यामुळे वंचिन मविआमध्ये सामील झाली नाही. या सगळ्यावरुन काँग्रेस आणि वंचितचे नेते एकमेकांवर आरोप प्रत्यारोप करतायत.