Video: एसटी कर्मचाऱ्यांचा पुन्हा संप? राज्यात लालपरीची चाकं थांबणार?

एसटी कर्मचाऱ्यांनी (ST Workers) पुन्हा एकदा संपावर जाण्याचं ठरवलं आहे. महामंडळातील 13 संघटनांकडून 9 ऑगस्टपासून मागण्या पूर्ण न झाल्यास संपावर जाण्याची घोषणा केली आहे. त्यामुळे लालपरी पुन्हा एकदा थांबण्याची शक्यता वर्तवली जात आहे. अनेक प्रलंबित मागण्यांसाठी एसटी कर्मचाऱ्यांनी संपाची तयारी केली आहे. राज्य शासन कर्मचाऱ्यांप्रमाणे एसटी कर्मचाऱ्यांना देखील वेतन देण्यात यावे,अशा प्रमुख मागणीसह तसेच अन्य मागणीसाठी कर्मचारी संपावर जाणार आहेत.

काय आहे नेमक्या कर्मचाऱ्यांच्या मागण्या?

1. राज्य शासकीय कर्मचाऱ्यांप्रमाणे वेतन मिळावं.

2. कामगार कराराच्या तरतुदीनुसार थकबाकी महागाई भत्ता मिळावा.

3. घरभाडे भत्ता आणि वेतनवाढ थकबाकी अदा करावी.

4. 2016 ते 2020मध्ये जाहीर केलेल्या 4849 कोटींमधील शिल्लक रक्कम मिळावी.

5. मूळ वेतनात सरसकट 5000 रुपयांची वाढ करावी.