Gunaratna Sadavarte News | सदावर्तेंना सहकार खात्याचा दणका! एसटी बॅंकेतील संचालकपद रद्द

गुणरत्न सदावर्तेंना मोठा झटका बसला आहे. एसटी सहकारी बँकेचे संचालक पदच रद्द झाले आहे. एसटी कामगार संघटनेचे अध्यक्ष संदीप शिंदे यांनी सदावर्तेंविरोधात सहकार आयुक्तांकडे तक्रार केली होती. शिंदे यांनी सदावर्तेंविरोधात 13 विषयींसंबंधात तक्रारी केल्या होत्या. एसटीमध्ये काम करणाऱ्या अनेकाच्या मुलींची आणि मुलांची लग्न बाकी आहेत. पण बँकेकडून कर्जवाटपच होत नसल्याने कर्मचाऱ्यांची आर्थिक अडचण होत होती. संचालक मंडळ महागड्या हॉटेलमध्ये नाचगाण्या मशगूल होते असेही तक्रारीत म्हटले आहे. इतकंच नाही तर खात्यात बेकायदेशीरपणे भरतीही केल्याचे तक्रारीत म्हटले होते.