Budget 2024 News : बिहार आणि आंध्र प्रदेशसाठी केंद्राकडून कोट्यवधी रुपयांचे पॅकेज

बिहारला विशेष राज्याचा दर्जा देता येणार नाही असे केंद्र सरकारने स्पष्ट केले होते. पण आता अर्थसंकल्पात बिहारला हजारो कोटी रुपयांचं पॅकेज जाहीर करण्यात आले आहे. फक्त बिहारच नाही तर आंध्र प्रदेशलाही पॅकेज जाहीर करण्यात आले आहे. आंध्र प्रदेशसाठी १५ हजार कोटी रुपयांचे पॅकेज जाहीर करण्यात आले आहे. बिहारसाठी केंद्र सरकारने 26 हजार कोटी रुपयांचे पॅकेज जाहीर केले आहे. या निधीतून बिहारमध्ये रस्ते तयार केले जातील. त्यात पाटणा-पुर्णिया, बक्सर-भागलपूर आणि बोधगया-राजगीर-वैशाली-दरभंगा एक्सप्रेस हायवेचाही समावेश आहे.