Monsoon Update : मोठी बातमी! अरबी समुद्रात मॉन्सूनचा प्रवेश, वेळेआधीच राज्यात येणार

नैऋत्य मॉन्सूनने दक्षिण अरबी समुद्र, मालदीव आणि कोमोरिन क्षेत्रात प्रवेश केला. भारतीय हवामान खात्याच्या (IMD) मते, मॉन्सूनने श्रीलंकेसह मालदीवच्या काही भागांत मजल मारली आहे. यंदा मॉन्सूनने वेळेआधीच प्रगती करत अंदमान, बंगालचा उपसागर आणि अरबी समुद्र व्यापला आहे. मालदीव आणि श्रीलंकेच्या दक्षिण किनाऱ्यांवर पावसाला चालना मिळाली आहे. पुढील काही दिवसांत मॉन्सून केरळपर्यंत पोहोचण्याची शक्यता आहे. अरबी समुद्रातील कमी दाबाचे क्षेत्र मान्सूनच्या प्रगतीस पोषक ठरत आहे.

भारत हवामान खात्याने (IMD) अरबी समुद्रात कमी दाबाच्या क्षेत्राची निर्मिती होत आहे, त्यामुळे दक्षिण-पश्चिम मान्सूनला चालना मिळण्याची शक्यता आहे. बुधवारी कर्नाटक किनारपट्टीजवळ पूर्व-मध्य अरबी समुद्रात चक्री वादळाची निर्मिती होईल आणि गुरुवारी ती कमी दाबाच्या क्षेत्रात रूपांतरित होईल.