सोलापूर : रस्त्यावर तलवार फिरवत वाढदिवस साजरा करण्याची मुजोरी सोलापुरात दिसून आली. सोलापूरातील साठे वस्ती परिसरात 4 ऑक्टोबरच्या रात्री सुमारे 11 वाजण्याच्या सुमारास एका तरुणाने मित्राच्या खांद्यावर बसून हातात तलवार घेत वाढदिवस साजरा केला. या प्रकाराचा व्हिडिओ व्हायरल झाल्यानंतर पोलिसांनी तत्काळ कारवाई केली आहे. सलगर वस्ती पोलिस ठाण्यात विजय साठे याच्यासह सात जणांविरोधात गुन्हा दाखल करण्यात आला आहे. या प्रकरणी पोलिस शिपाई दीपक साळुंखे यांनी फिर्याद दिली असून, आरोपी सध्या फरार असल्याची माहिती पोलिसांनी दिली आहे. सोलापूर शहर पोलिसांनी काही महिन्यांपूर्वीच रस्त्यावर वाढदिवस साजरा करणाऱ्यांवर कारवाई करण्याचे आदेश जारी केले होते. तरीही, या आदेशाचा विचार न करता तलवार फिरवून वाढदिवस साजरा करण्याचा प्रकार घडल्याने पोलिसांकडून कडक कारवाईची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.