BJPच्या चिंतन बैठकीत खासदारांसमोरच कार्यकर्त्यांचा गोंधळ! सोलापुरात काय घडलं?

सोलापूर : सोलापुरात भाजपच्या लोकसभा निवडणुकीच्या पराभवाच्या चिंतन बैठकीत कार्यकर्त्यांचा एकच गोंधळ पाहायला मिळाला. भाजपाचे खासदार आणि सोलापूर निरीक्षक धनंजय महाडिक यांच्यासमोर कार्यकर्त्यांनी गोंधळ घातला. खासदार धनंजय महाडिक यांची सत्ता असेलेल्या भीमा सहकारी साखर कारखान्याच्या संचालकांनी भाजपविरोधात काम केल्याचा आरोप कार्यकर्त्यांनी केलाय. मात्र जिल्हाध्यक्ष सचिन कल्याणशेट्टी यांनी कार्यकर्त्यांना थांबवत वैयक्तिक म्हणणे मांडण्याची यावेळी कार्यकर्त्यांना सूचना केली. लोकसभेच्या पराभवाचे चिंतन करण्यासाठी सोलापुरात बैठक आयोजित करण्यात आली होती. लोकसभेतील पराभवानंतर पहिल्यांदाच पार पडत असलेल्या बैठकीत झालेला हा गोंधळ सोलापुरात चर्चेचा विषय ठरतोय. दरम्यान गोंधळ सुरू होताच माध्यम प्रतिनिधींना बाहेर थांबवण्यात आले. गोंधळानंतर बंद दाराआड बैठक सुरू करण्यात आली.