लग्नाच्या वरातीत ठाकरेंचा आमदार तलवार घेऊन बेफाम होऊन नाचला|VIDEO

Shiv Sena MLA Siddharth Kharat Dances with Sword at Wedding : मेहकर विधानसभा मतदारसंघाचे उबाठा पक्षाचे आमदार सिद्धार्थ खरात यांचा लग्नाच्या वरातीत तलवार घेऊन गाण्याच्या तालावर थिरकल्याचा व्हिडीओ सोशल मीडियावर व्हायरल झाला आहे. माजी प्रशासकीय अधिकारी असलेल्या खरात यांना कायद्याचे ज्ञान असूनही, लोकप्रतिनिधी म्हणून असे वर्तन त्यांच्याकडून चुकीचे मानले जात आहे. महाराष्ट्रात यापूर्वी लग्नात तलवार घेऊन नाचल्याप्रकरणी गुन्हे दाखल झाले आहेत. यापूर्वी बुलढाणा मतदारसंघाचे आमदार संजय गायकवाड यांच्यावरही मुलाच्या वाढदिवसाला तलवारीने केक कापल्याप्रकरणी गुन्हा दाखल झाला होता. आता प्रशासन आमदार खरात यांच्यावर काय कारवाई करणार का? हे पाहणे औत्सुक्याचे ठरेल.