MLA Sanjay Shirsat : मुख्यमंत्री शिंदेच होणार? संजय शिरसाट यांचा मोठा खुलासा

एकनाथ शिंदे हेच राज्याचे पुढचे मुख्यमंत्री होतील, असा दावा शिंदेसेनेचे आमदार संजय शिरसाट यांनी केला आहे. विधानसभेची निवडणूक ही एकनाथ शिंदे यांच्याच नेतृत्वाखाली लढवण्यात आली होती. त्यामुळे एकनाथ शिंदेच मुख्यमंत्री होतील, असं सामान्य जनता आणि कार्यकर्त्यांना देखील माहीत होतं, म्हणून शिंदेच मुख्यमंत्री होतील असा विश्वास शिरसाट यांनी व्यक्त केला आहे.

एकीकडे राज्याचा भावी मुख्यमंत्री कोण होणार याबद्दल वेगवान हालचाली सुरू आहेत. प्रत्येक कार्यकर्ता, आमदार आमचाच मुख्यमंत्री व्हावा असं मागणी करत आहे. त्यात आमदार शिरसाट यांनी मुख्यमंत्रिपदी एकनाथ शिंदे यांची वर्णी लागणार असल्याचं म्हटलं आहे. 'विधानसभेची निवडणूक ही एकनाथ शिंदे साहेबांच्या नेतृत्वाखाली लढवायची ठरली होती. वरिष्ठ पातळीवर कोणता करार झाला हे मला माहिती नाही. पण सर्वसामान्य किंवा सर्व युतीच्या कार्यकर्त्यांना हे माहीत होतं, की निवडणूक ही एकनाथ शिंदे यांच्या नेतृत्वाखाली लढवत आहोत. तर तेच मुख्यमंत्री होतील असं मत होतं. एकनाथ शिंदे यांच्याबद्दल देवेंद्र फडणवीस यांनी सांगितलं होतं की ही निवडणूक एकनाथ शिंदे साहेबांच्या नेतृत्वाखाली लढत आहोत. हे काही गुपित नाही. त्यामुळे मुख्यमंत्री एकनाथ शिंदे हेच होतील असं शिवसेनेचे आमदार प्रवक्ते संजय शिरसाट यांनी सांगितलं आहे.

Edited By Rakhi Rajput