Sharad Pawar Sabha: 22 दिवसांत तब्बल 50 सभा! महायुतीला आव्हान देण्यासाठी शरद पवारांकडून सभांचा धडाका

मुंबई : शरद पवार 22 दिवसात तब्बल 50 सभा घेणार आहेत. 18 एप्रिल पासून शरद पवारांच्या सभांचा धडाका सुरू होईल. बारामती मधून या सभांना सुरुवात होईल. 11 मे पर्यंत राज्यभर शरद पवार यांच्या या सभा सुरू राहतील. राज्यभरात शरद पवार मॅरेथॉन दौरा करणार आहेत. दिवसाला तीन ते चार सभा शरद पवार घेतील, अशी माहिती समोर आली आहे. यात रावेर, शिरूर, बीड, पुणे, अहमदनगर, बारामती, माढा, सातारा, कोल्हापूर आणि छत्रपती संभाजीनगर येथे शरद पवार सभा घेणार असल्याची माहिती समोर आली आहे. कालच शरद पवार यांनी साताऱ्यात शशिकांत शिंदे यांच्यासाठी काढण्यात आलेल्या प्रचार रॅलीतही सहभाग घेतला होता.