FIR Against Arvind Sawant: 'माल' विधान भोवलं, शायना एनसी यांच्या तक्रारीवरून अरविंद सावंत यांच्याविरोधात गुन्हा दाखल

राज्यात विधानसभा निवडणूक जाहीर झाले असून सगळेच राजकीय जोरदार प्रचारात गुंतले आहे. यातच ठाकरे गटाचे नेते आणि खासदार अरविंद सावंत यांनी प्रचारादरम्यान शिवसेना शिंदे गटाच्या उमेदवार शायना एनसी यांच्याबद्दल वादग्रस्त वक्तव्य केलं आहे. अमीन पटेल यांचा प्रचार करताना सावंत यांनी म्हटलं की, ''आम्हाला इम्पोर्टेड माल नको... आमचा ओरिजनल माल आहे.'' आता हेच वक्तव्य भोवलं आहे. अरविंद सावंत यांचं वक्तव्याविरोधात शायना एनसी यांनी पोलिसात तक्रार दाखल केली आहे. तसेच त्या म्हणल्या आहेत की, ''मविआ महिलांचा सन्मान करत नाही. अपशब्द वापरल्यावर महिला शांत बसणार नाही.''