Zilla Parishad Election Exit Poll: राष्ट्रवादीचा गड भाजप हिरावणार; झेडपीमध्ये कमळ फुलणार

राज्यातील 12 जिल्हा परिषदा आणि त्यांतर्गतच्या 125 पंचायत समित्यांसाठी आज मतदान झालं. जिल्हा परिषदेच्या 731 तर पंचायत समित्यांच्या 1462 जागांसाठी ही मतदान प्रक्रिया पार पडली. एकूण 7438 उमेदवार निवडणूक रिंगणात आहेत. आता या झेडपी आणि पंचायत समितीच्या निवडणुकांचा एक्झिट पोल समोर आलेत. साम टीव्हीकडून करण्यात आलेल्या या एक्झिट पोलनुसार सातारा जिल्ह्यात भाजपकडे सत्ता जाऊ शकते. सातारा जिल्ह्यातील ६५ जिल्हा परिषद गट आणि ३३० पंचायत समित्यांसाठी शनिवारी मतदान पार पडलं. झेडपीमध्ये राष्ट्रवादी काँग्रेस शरद पवार गटाची एक हाती सत्ता होती. मात्र यंदा भाजप मुसंडी मारत सत्ता मिळवू शकते असा अंदाज आहे. विशेष म्हणजे राष्ट्रवादीचे दोन्ही गटाने युती करत निवडणूक लढवली होती. पण भाजप बाजी मारत येथे बहुमत मिळवेल अशी शक्यता वर्तवली जात आहे.