Satara Lok Sabha: साताऱ्याच्या बदल्यात नेमका करार काय झाला? महायुतीने सोडवलेल्या गणिताची मोठी Update!

सातार : सातारा लोकसभेच्या बदल्यात राष्ट्रवादी काँग्रेस पक्षाला पियुष गोयल यांची राज्यसभेची जागा मिळणार असल्याचं सांगितलं जातंय. विश्वनीय सूत्रांनी साम टीव्हीला ही माहिती दिली आहे. सातारा लोकसभा 1999 पासून राष्ट्रवादी काँग्रेस पक्ष लढत आहे. मात्र यंदा ही जागा भाजपचे उदयनराजे भोसले यांना देण्यात आलीय. त्यामुळे या जागेच्या बदल्यात पियुष गोयल यांची राज्यसभेची जागा देण्याचा निर्णय झाल्याचं सांगितलं जातंय. सुरुवातीला भाजपकडून उदयनराजे यांची राज्यसभेत उर्वरित टर्म असणारी जागा घ्या, असा प्रस्ताव ठेवण्यात आला होता. मात्र राष्ट्रवादी काँग्रेस पक्षाने याला कडाडून विरोध केला. दरम्यान आता भाजप कडून पियुष गोयल यांची राज्यसभेची जागा मागून घेतली असल्याचं सूत्रांनी म्हटलंय.