Mukhyamantri Yojanadut: खुशखबर! राज्यातील ५० हजार तरूणांना मिळणार रोजगार; कसा आणि कुठे? पाहा VIDEO

मुंबई : राज्यातील तरूणांसाठी महत्वाची योजना आहे. राज्यातील ५० हजार तरूणांना आता रोजगार देण्यात येणार आहे. सरकारी योजनांची माहिती सामान्य जनतेपर्यंत पोहोचावी यासाठी ५० हजार तरूणांची नियुक्ती करण्यात येणार आहे. महाराष्ट्र राज्य सरकारच्या विविध योजनांचा प्रसार आणि प्रचार करण्यात येणार आहे. यासाठी पुढील सहा महिन्यांकरिता ५० हजार तरूणांची नियुक्ती करण्यात येणार आहे. या ५० हजार तरूणांना दर महिन्याला १० हजार पगार दिला जाणार आहे. पुढील तीन महिन्यात सरकारच्या या नव्या योजनेसाठी साधारण तीनशे कोटी रूपयांच्या खर्चाचा अंदाज वर्तविण्यात आलाय.

परंतु या सरकारच्या या योजनेचा लाभ घेण्यासाठी पात्र उमेदवाराचं वय १८ ते ३५ वर्ष असणं आवश्यक आहे. तर तो तरूण कोणत्याही शाखेचा पदवीधर असणं देखील अनिवार्य आहे. ऑनलाईन पद्धतीने तरूणांना यासाठी अर्ज करता येणार आहे. जिल्हा अधिकारी या तरूणांची नेमणूक करणार असल्याची माहिती मिळत आहे.