Sarkarnama Weekly: नव्या रुपात, नव्या ढंगात, 'सरकारनामा साप्ताहिका'चे मुख्यमंत्री एकनाथ शिंदे यांच्या हस्ते प्रकाशन

राजकारण आणि धोरण याचा सविस्तर आढावा मांडणारे सकाळ माध्यम समूहाचे नवीन साप्ताहिक वर्तमानपत्र - सरकारनामा...आता नव्या रूपात आणि नव्या ढंगात गणेश चतुर्थीच्या शुभमुहूर्तावर वाचकांच्या भेटीला आलं आहे. आज मुख्यमंत्री एकनाथ शिंदे यांच्या हस्ते ''सरकारनामा साप्ताहिका'चे प्रकाशन झालं.

हे नवीन साप्ताहिक दर शनिवारी महाराष्ट्रभर प्रसिद्ध होत आहे. डिजिटल पोर्टल ते वर्तमानपत्र असा प्रवास करणारे एकमेव महाराष्ट्रव्यापी सरकारनामा हे साप्ताहिक वृत्तपत्र आता थेट वाचकांच्या हातात येणार आहे. सरकारनामा हे राज्य, देश आणि जागतिक राजकारणाचे कंगोरे उलगडणार आहे. तसंच सत्तेच्या पटावरचे शह-काटशह, राजकीय भूमिकांचा लेखाजोखा, धोरणांची चिकित्सा आणि साऱ्या महाराष्ट्राचे समग्र आकलन मांडणारं सकाळ माध्यम समुहाचं महाराष्ट्रव्यापी राजकीय साप्ताहिक असणार आहे.