Ashadh Wari: पुण्यात संत तुकाराम महाराजांच्या पालखीचे भक्तिभावात स्वागत; हेलिकॉप्टरमधून पुष्पवृष्टी|VIDEO

आषाढी वारीनिमित्त संत तुकाराम महाराजांची पालखी आज पुण्यात मोठ्या भक्तिभावात दाखल झाली. पालखी आगमनानंतर पुणेकरांनी उत्साहात स्वागत करत भक्तीमय वातावरण निर्माण केलं. संचेती चौकात दिंडीवर विशेष हेलिकॉप्टरमधून पुष्पवृष्टी करण्यात आली, ज्यामुळे परिसर भक्तिरसात न्हावून गेला.

वारकरी दिंडीमध्ये हजारो भाविक सहभागी झाले होते. टाळ- मृदंगाच्या गजरात, अभंगगायन करत संत तुकाराम महाराजांचा जयघोष करण्यात येत होता. पुण्यातील विविध भागांमधून नागरिकांनी रस्त्यांच्या दुतर्फा उभे राहून पालखीचं स्वागत केलं.

पुणे पोलिसांकडून वाहतूक व्यवस्थेसाठी विशेष बंदोबस्त करण्यात आला होता. संपूर्ण शहरात वारीनिमित्त भाविकांसाठी आरोग्य, पाणी आणि प्राथमिक सुविधा देण्याची व्यवस्था करण्यात आली होती. वारीच्या या सोहळ्याने पुन्हा एकदा माणुसकी, भक्ती आणि एकतेचा संदेश दिला आहे.