पंतप्रधान स्वतःला देवाचा अवतार समजतात; संजय राऊतांचा राज्यसभेत मोदींवर घणाघात | VIDEO

शिवसेना उद्धव बाळासाहेब ठाकरे पक्षाचे खासदार संजय राऊत यांनी राज्यसभेत पंतप्रधान नरेंद्र मोदींवर जोरदार टीका केली आहे. आपले पंतप्रधान आणि त्यांचे समर्थक स्वतःला देवाचे अवतार समजतात असा घणाघात करत राऊतांनी केंद्र सरकारवर निशाणा साधला.ते म्हणाले या देशात 24 तासामध्ये उपराष्ट्रपतींचा राजीनामा घेतला जातो कारण ते सरकारचे ऐकत नाही. पहलगाम हल्ल्यामध्ये 26 लोकांचा मृत्यू होतो. मात्र सरकार माफीही मागत नाही आणि कोणाकडून राजीनामा देखील घेत नाही. आपले पंतप्रधान म्हणता कोणतीही घटना घडण्यापूर्वीच मला कुणकुण लागते, ही ईश्वराची कृपा माझ्यावर आहे असं मोदी म्हणतात. मग पहलगाममध्ये हल्ला होणार होता तर मग ते तुम्हाला कसे कळले नाही असा टोला संजय राऊत यांनी लगावला.