Khichdi Scam: 'फक्त राऊतच नाही, तर...' खिचडी घोटाळ्यात कुणाकुणाच हात? निरुपमांचा सनसनाटी आरोप

मुंबई : संजय राऊत (Sanjay Raut) हेच खिचडी घोटाळ्याचे मुख्य सुत्रधार आहेत, असा गंभीर आरोप संजय निरुपम (Sanjay Nirupam) यांनी केला आहे. संजय राऊत यांनी मुलगी, भाऊ यांच्या नावावर पैसे उकळले, असंही निरुपम यांनी म्हटलं. तसंच एक कोटी रुपयांची दलाली घेतल्याचा गंभीर आरोपही निरुपम यांनी केलाय. खिचडी घोटाळ्यात राऊत यांनी किर्तीकरांसोबत (Amol Kirtikar) आणखी काही जणांचाही हात असल्याचा आरोप निरुपम यांनी पत्रकार परिषदेतून केलाय. ते मुंबईत घेण्यात आलेल्या पत्रकार परिषदेत बोलत होते. अमोल कीर्तिकर यांनी खिचडी घोटाळ्याप्रकरणी नुकतीच ईडी चौकशीही झाली. या चौकशीवरुनही निरुपम यांनी टोला लगावला. दरम्यान, निरुपमांनी केलेल्या आरोपांवर आता अमोल कीर्तिकर आणि संजय राऊत काय प्रतिक्रिया देतात, हे पाहणं महत्त्वाचंय.