Saam Tv Impact: हप्ता वसुली करणाऱ्या गुंडाचा माज उतरला; पोलिसांच्या दणक्यानंतर रडत रडत मागितली माफी, VIDEO
मुंबई : पुण्याच्या पिंपळे गुरवमध्ये एक गुंड हप्ता वसूल करत होता. हा व्हिडिओ हाती लागल्यानंतर सामटीव्हीने यासंदर्भात बातमी दाखवली होती. त्यानंतर आता या गावगुंडावर पोलिसांनी कारवाई केलीय. सामच्या बातमीनंतर पोलिसांनी या गावगुंडाला चांगलाच धडा शिकवलाय. नकुल गायकवाड, असं या गावगुंडाचं नाव आहे. एका दुकानदाराला अश्लील शिवीगाळ आणि दमदाटी करत तो हप्ता वसुली करत असल्याचं समोर आलं होतं. पिंपरी चिंचवड शहरातील सांगवी पोलिसांनी संबंधित गाव गुंडाला चांगला धडा शिकवलाय.
सामटीव्हीने बातमी दाखवल्यानंतर पोलिसांनी या गुंडावर कारवाई केलीय. मी काल एका टपरीवाल्याला मारलं होतं, त्याच्याकडून पैसे घेतले होते. याबद्दल माफी मागतो, असं म्हणत या गुंडानं चूक मान्य केलंय. पोलिसांनी मात्र या गुंडाचं मुंडन करत त्याला चांगलाच प्रसाद दिलाय. या तरूणाने आधी गावात दहशत निर्माण करण्याचा प्रयत्न केला होता. परंतु पोलिसांनी त्याला चांगलाच दणका दिलाय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.