Exit Poll Maharashtra : सिन्नर विधानसभेचे संभाव्य आमदार कोण असणार? पाहा Exit Poll

सिन्नर विधानसभा मतदारसंघात राष्ट्रवादी अजित पवार गट आणि राष्ट्रवादी शरद पवार गट यांच्यात लढत रंगली आहे. याठिकाणी अजित पवार गटाकडून माणिकराव कोकाटे हे उमेदवार आहेत. तर शरद पवार यांच्या गटाकडून उदय सांगळे यांना उमेदवारी मिळाली आहे.

काल झालेल्या मतदानानंतर सकाळने केलेल्या सर्वेक्षणातून संभाव्य आमदार म्हणून पुन्हा एकदा माणिकराव कोकाटे यांचं नाव समोर आलं आहे. सिन्नर मतदारसंघात या दोन्ही उमेदवारांनी जातीय समीकरण जुळवत आपला आपला गड राखण्यासाठी प्रयत्न केला आहे. मात्र सिन्नर शहराचं राजकारण व्यक्ती केंद्रित असल्याने मतदारांचा कल हा माणिकराव कोकाटे यांच्या बाजूने झुकतांना बघायला मिळाला आहे.

प्रचारासाठी यावेळी अजित पवार यांनी या भगत जेवढे दौरे केले त्या प्रत्येक दौऱ्यात माणिकराव कोकाटे यांना मंत्री पद देण्याबाबत वक्तव्य केलं. त्यामुळे देखील सिन्नरच्या विकासासाठी संभाव्य आमदार म्हणून माणिकराव कोकाटे यांच्याकडे पाहिलं जात आहे. या सगळ्या परिस्थितीचा फटका मात्र सिन्नरमध्ये शरद पवार यांच्या गटाला बसण्याची शक्यता आहे.