खुनाचा आरोपी जामिनावर सुटताच समर्थकांकडून मिरवणूक; थेट कायद्याला दिले आव्हान|VIDEO

जामिनावर सुटल्यानंतर मोटारीतून मिरवणूक काढून भाईगिरी केल्याप्रकरणी सागर भिंगारदिवेसह त्याच्या 80 समर्थकांविरोधात गुन्हा दाखल करण्यात आला आहे. हा प्रकार या प्रकाराचा व्हिडीओ समाज माध्यमावर व्हायरल झाला होता. बहुचर्चित रेखा जरे हत्याकांड प्रकरणात आरोपी असलेल्या सागर भिंगारदिवे कोठडीत होता. न्यायालयाने त्याला जामीन मंजूर केल्यानंतर अहिल्यानगरच्या सबजेलमधून त्याला सोडण्यात आले. त्यावेळी कारागृहाबाहेर मोठा जमाव जमला होता. त्याच्या समर्थकांनी तो जेलमधून आल्यावर पोलिसांसमोरच खांद्यावर घेऊन त्याची मिरवणूक काढली होती. या प्रकरणी अहिल्यानगरच्या कोतवाली पोलीस ठाण्यात गुन्हा नोंदविण्यात आला आहे.