Sada Sarvankar News : सदा सरवणकर वाद प्रकरण; महिलांनी थेट गाठलं पोलीस स्टेशन, पाहा Video

विधानसभा निवडणुकीच्या प्रचाराला आता वेग आला आहे. उमेदवार मतदारांच्या गाठीभेठी घेत असताना काही ठिकाणी मतदारांकडून आमदारांना जाब विचारला जात आहे. माहीमचे आमदार सदा सरवणकर यांना देखील प्रचारावेळी महिलांच्या संतापाचा सामना करावा लागला आहे. माहीम मच्छीमार कॉलनीतील महिलांनी फिश फूड स्टॉल बंद केल्याच्या कारणावरून सरवणकर यांना चांगलच धारेवर धरलेलं बघायला मिळालं आहे. या घटनेचा व्हिडिओ सध्या व्हायरल होत आहे.

दरम्यान, या घटनेनंतर आता या महिलांनी थेट माहीम पोलीस स्टेशन गाठून तक्रार दिली आहे. माहीममध्ये फिश फूड प्लाझामध्ये असलेले स्टॉल गेल्या ५ महिन्यांपासून बंद करण्यात आलेले आहेत. ते परत कधी सुरू करण्यासाठी या महिला संतप्त झाल्या आहे. या वेळी महिलांनी सदा सरवणकर यांना जाब विचारत धारेवर धरल्याचा व्हिडिओ देखील केला. यात सरवणकर महिलांना उत्तर न देताच या ठिकाणाहून काढता पाय घेताना दिसत आहेत. यानंतर सदा सरवणकर आणि समाधान सरवणकर यांनी आमच्यावरच्यावर अत्यंत घाणेरडे आरोप केले असल्याचा दावा या महिलांनी केला आहे. त्यांनी आमच्यावरील आरोप सिद्ध करावे आणि मग बोलावं असं या महिलांचं म्हणण आहे. जर आमच्या कुटुंबातील कोणालाही काही बरं वाईट झालं, तर त्याचे पूर्णपणे जबाबदार सदा सरवणकर, समाधान सरवणकर आणि स्थानिक शाखाप्रमुख मिलिंद तांडेल असतील अशी तक्रार देण्यासाठी या महिलांनी थेट माहीम पोलीस स्टेशन गाठलं आहे.

Edited By Rakhi Rajput