Saam Tv Exit Poll: छत्रपती संभाजीनगरमध्ये ठाकरे बंधूंचा जोर कमी पडला? कुणाची सत्ता येणार? पाहा एक्झिट पोल

मराठवाड्यातील छत्रपती संभाजीनगर महानगर पालिकेवर कुणाची सत्ता येणार याकडे सर्वाचं लक्ष लागले आहे. या महानगर पालिकेच्या राजकारणाची संपूर्ण राज्यभर चर्चा झाली. याठिकाणी भाजप आणि शिंदेसेनेने खूप जोर लावला. त्याचसोबत एमआयएमने देखील जोरदार प्रचार केला. याठिकाणी भाजप आणि शिंदेसेना स्वतंत्र निवडणूक लढले. याठिकाणी ठाकरे बंधूंचा जोर कमी पडला. देवेंद्र फडणवीस आणि एकनाथ शिंदे यांनी या महानगर पालिका निवडणुकासाठी जास्त जोर लावला.

साम टीव्हीच्या एक्झिट पोलनुसार, छत्रपती संभाजीनगर महानगर पालिकेमध्ये भाजप सर्वात मोठा पक्ष ठरला. ३६ वॉर्डमध्ये भाजपचे उमेदवार विजयी होण्याची शक्यता आहे. तर शिवसेना शिंदे गटाचे २४, राष्ट्रवादी काँग्रेस अजित पवार गटाचे ४ उमेदवार विजयी होण्याची शक्यता आहे. तर इकडे काँग्रेसचे ८, शिवसेना ठाकरे गट १२, राष्ट्रवादी काँग्रेस शरद पवार गट ३ आणि एमआयएम २४ जागांवर विजयी होण्याची शक्यता आहे. तर इतर ४ जागांवर विजयी होण्याची शक्यता आहे.