Saam Maha Exit Poll : अजितदादांच्या राष्ट्रवादीचा भाजपला दणका, औसाचा संभाव्य नगराध्यक्ष कोण?

जलील पठाण, औसा

लातूर जिल्ह्यातील औसा नगरपालिकेच्या निवडणुकीत राज्यातील सत्ताधारी पक्ष असलेल्या भाजप आणि अजित पवार यांच्या नेतृत्वातील राष्ट्रवादी काँग्रेसमध्येच प्रमुख लढत होती. या निवडणुकीसाठी मतदान झाले असून, उद्या रविवारी निकाल जाहीर होईल. त्याआधी साम टीव्हीच्या महाएक्झिट पोलनुसार, औसा पालिका निवडणुकीत अजितदादांच्या राष्ट्रवादीनं भाजपला जोरदार झटका दिला आहे.

या ठिकाणी राष्ट्रवादीची सत्ता येईल असा अंदाज आहे. १८ नगरसेवक निवडून येण्याची शक्यता आहे. याउलट वेगळा निकाल या ठिकाणी पाहायला मिळू शकेल. भाजपच्या ज्योती बनसोडे या संभाव्य नगराध्यक्षा असू शकतात. हा केवळ एक्झिट पोलचा अंदाज असून, प्रत्यक्षात उद्या, २१ डिसेंबरला निवडणुकीचा अधिकृत निकाल जाहीर होणार आहे. जनता नेमका कुणाला कौल देते, हे त्यावेळीच स्पष्ट होईल.