Pune Lok Sabha Voting: पैसे देऊन मतं विकत घेतली? रोहित पवारांनी शेअर केलेल्या आणखी Video ने खळबळ, काटेवाडीत काय घडलं?

पुणे : रोहित पवार यांनी एक व्हिडीओ पोस्ट करत गंभीर आरोप केलाय. काटेवाडीमध्ये पैशांचं वाटप होत असल्याचा आरोप या व्हिडीओतून करण्यात आला आहे. एक्स सोशळ मीडिया अकाऊंटवरुन व्हिडीओ पोस्ट करत रोहित पवारांनी सीसीटीव्ही फुटेज पोस्ट केला आहे. व्हिडीओतून एका व्यक्तीला पैसे दिले जात असल्याचा दावा करण्यात आलाय. मतदानाच्या पार्श्वभूमीवर चक्क पैशांचं वाटत होत असल्याचा आरोप करण्यात आल्यानं चर्चांना उधाण आलं आहे. या आरोपांची दखल आता निवडणूक आयोगाकडून घेतली जाते का, हे पाहणं महत्त्वाचं ठरणार आहे. तिसऱ्या टप्प्याचं मतदान आज पार पडतंय. अशातच रोहित पवारांनी दुसऱ्यांना व्हिडीओ पोस्ट करत सनसनाटी आरोप केल्यानं खळबळ उडालीय.