Maharashtra Rain Update : राज्यात मुसळधार पाऊस; रत्नागिरी, रायगडला रेड अलर्ट, VIDEO

राज्यातील काही जिल्ह्यात मुसळधार पाऊस कोसळत आहे. मुसळधार पावसामुळे वीज कोसळण्याचाही घटना घडल्या आहेत. रत्नागिरी आणि रायगडमध्ये पावसाची जोरदा बॅटिंग सुरु आहे. हवामान विभागानेही याबाबत इशारा दिला होता. हवामान विभागाने रत्नागिरी, रायगडला रेड अलर्ट दिला होता. तर पालघर, ठाणे, पुणे घाट, सातारा घाट, कोल्हापूर घाट आणि सिंधुदुर्ग जिल्ह्यांना ऑरेंज अलर्ट दिला होता. या पार्श्वभूमीवर प्रशासनाने राष्ट्रीय आपत्ती प्रतिसाद दल (एनडीआरएफ) व राज्य आपत्ती प्रतिसाद दल (एसडीआरएफ) पथकांना आपत्कालीन परिस्थितीकरीता सतर्क राहण्याच्या सूचना देण्यात आलेल्या आहेत.

दरम्यान, मुसळधार पावसामुळे चिपळूणचा सवतसडा धबधबा प्रवाहित झाला आहे. चिपळूणच्या मुसळधार पावसामुळे सवतसड्याचं रौद्ररुप निर्माण झालं आहे. सवतसडा धबधबा प्रचंड वेगाने वाहतोय. मुंबई-गोवा महामार्गावरील परशुराम घाटाच्या पायथ्याशी हा सवतसडा धबधबा आहे.